Усё сталася так, як мелася быць: Цукеркавы фэст у Івянцы ўзварушыў спакой і ціхмянасць мястэчка і апоўначы неяк раптоўна, быццам яскра з вогненнага шоу, закончыўся. Бо казкі нязменна заканчваюцца - тое вядома ўсім. Заканчваюцца, зноў-такі неадменна ў вякох, перамогай. Завершылася й наша салодкая казка – казка-вандраванне ў гісторыю свайго Краю. І, як здараецца ў казцы, паўставалі тут перашкоды, якія давялося адольваць, трываючы выпрабаванні.